कॉलेजच्या दिवसांमध्ये बऱ्याच वेळा या ठिकाणी आम्ही लँडस्केप करायला जायचो. शहरापासून थोड्याच अंतरावर ,सांगली मिरज रोडवर हे ठिकाण आहे . त्यावेळी हा परिसर अतिशय शांत असायचा. मस्त जुनीपुराणी झाडं... पायवाटा...आणि मला हे ठिकाण आवडायचं खरं कारण म्हणजे इथली घरं... ब्रिटिश काळात हा परिसर वसलेला असल्याने त्या काळची ती घरं ,या सर्व परिसरात अनेक आहेत , आणि अजूनही बऱ्या अवस्थेत आहेत. हि घरं अतिशय सुकूनभरी वाटतात..झाडीत लपलेली ...पायवाटेनी रस्त्याला जोडलेली...ऐसपैस व्हरांडा असलेली ...कौलारू घरं.. अशा घरांची कितीतरी चित्र स्केचेस तेंव्हा केलेली..
परवा मिरजेकडे जाताना इथं जावंसं फार वाटलं...
मुख्य रस्ता सोडला आणि गेलोच तिथं ...
बराच बदल झालाय ...पण अजूनही काही घरं ,झाडं आहेत जाग्यावर....
एक स्केच केलं ...
पुन्हा एकदा कधीतरी यायला पाहिजे इझल कलर कॅनव्हास घेऊन...
No comments:
Post a Comment